ການເປັນເຈົ້າຂອງບໍລິສັດ ຂະໜາດນ້ອຍ ແລະ ກາງ ກໍ່ມີການຈັດໜວດ. ປະເພດສ່ວນບຸຄົນ, ຖືຫຸ້ນ, ລັດ ຫຼື ແບບປະສົມ. ແຕ່ລະໂຄງສ້າງທຸລະກິດຂະ ໜາດນ້ອຍເຫຼົ່ານີ້ມີຜົນສະທ້ອນດ້ານພາສີແລະກົດໝາຍທີ່ແຕກຕ່າງກັນ. ເພື່ອເລືອກສິ່ງທີ່ຖືກຕ້ອງສຳລັບທຸລະກິດຂອງທ່ານ, ທ່ານຈຳເປັນຕ້ອງເຂົ້າໃຈຈຸດດີແລະຂໍ້ເສຍປຽບຂອງແຕ່ລະດ້ານ.
ຜູ້ປະກອບການສ່ວນບຸກຄົນຈຳກັດຜູ້ດຽວ – ໃນດ້ານບວກ, ການເປັນເຈົ້າຂອງພຽງຜູ້ດຽວແມ່ນງ່າຍດາຍ ແລະ ມີການລົງທຶນບໍ່ສູງ. ເຈົ້າຂອງທຸລະກິດ ມັກເປັນຄົນດຳເນີນງານເອງໝົດ. ພວກເຂົາມັກຈະເປັນຊ່ຽວຊານສະເພາະດານໃດໜຶ່ງ ແລະ ມາຈັດຕັ້ງທຸລະກິດນ້ອຍໆນີ້ຂື້ນ. ມີຄວາມຄ່ອງຕົວໃນການດຳເນີນງານ ແລະ ຕັດສິນໃຈ. ອາດມີພະນັກງານຊ່ວຍວຽກ ໃນການດຳເນີນທຸລະກິດ ແລະ ການເຮັດລາຍງານພາສີ ແມ່ນງ່າຍດາຍເພາະວ່າຜູ້ທີ່ເປັນເຈົ້າຂອງພຽງແຕ່ສາມາດລາຍງານຜົນ ກຳໄລຂອງທຸລະກິດພ້ອມກັບການແຈ້ງພາສີສ່ວນບຸກຄົນ.
ຄວາມເປັນເຈົ້າຂອງທຸລະກິດແບບບຸກຄົນ ບໍ່ແມ່ນປາດສະຈາກຂໍ້ບົກຜ່ອງຂອງມັນ. ເນື່ອງຈາກວ່າບໍ່ມີການແບ່ງແຍກລະຫວ່າງທຸລະກິດກັບຜູ້ທີ່ເປັນເຈົ້າຂອງ, ເຈົ້າຂອງແມ່ນຮັບຜິດຊອບຕໍ່ໜີ້ສິນ. ມັກມີບັນຫາໃນການບໍລິຫານງານ ໃນວຽກທີ່ຕ້ອງການຄວາມເປັນມືອາຊີບສູງ. ເພາະກຳລັງເງິນຈຳກັດ, ການຈ້າງງານມືອາາຊີບຈິ່ງເປັນບັນຫາ.
ໃນຮູບແບບການເຮັດທຸລະກິດແບບອື່ນໆເຊັ່ນ: ມະຫາຊົນ, ສະຫະກອນ ຫຼື ລັດວິສາຫະກິດ ຈະນຳສະເໜີໃນຕໍ່ໜ້າ. ແຕ່ການເຮັດວຽກສ້າງຕັ້ງກຸ່ມບໍລິສັດດັ່ງກ່າວ ມີຄວາມສັບສົນໃນການປະສານງານ ແລະ ການສື່ສານ.
ທ່ານມີຄຳແນະນຳໃດຕື່ມອີກບໍ່ໃນຫົວຂໍ້ນີ້ ຫຼື ມີປະສົບການທີ່ແຕກຕ່າງຈາກນີ້, ຊ່ວຍແບ່ງປັນປະສົບການນັ້ນໃນທີ່ນີ້ດ້ວຍ ເພື່ອເປັນການໃຫ້ຄົນອື່ນໄດ້ຮຽນຮູ້ນຳກັນ.
