ເພາະເຮົາຢາກໄດ້ລູກຄ້າ, ເຮົາຈິ່ງພະຍາຍາມເຂົ້າໃກ້ຊິດ. ຜູ້ປະກອບການຈິ່ງຫາທຸກວິທີທາງໄດ້ໃກ້ຊິດ. ການແບ່ງປັນຂໍ້ມູນທາງທຸລະກິດຄວນຖືກຄັດສັນ ແລະ ບໍ່ໃຫ້ຂໍ້ມູນສ່ວນຕົວແຜ່ອອກໄປຫຼາຍໃນທາງທີ່ບໍ່ຈຳເປັນ. ເພາະທ່ານອາດຈະຖືກລໍ້ລວງໃຫ້ແບ່ງປັນຂໍ້ມູນສ່ວນຕົວ ໃນບາງກໍລະນີການສື່ສານ.
ເພື່ອຊ່ວຍໃຫ້ທ່ານມີຄວາມເປັນມືອາຊີບກັບລູກຄ້າ, ທ່ານຄວນຕັ້ງຂອບເຂດການເຮັດວຽກສ່ວນຕົວ ແລະ ທຸລະກິດຂອງທ່ານເອງ. ຈາກນັ້ນທ່ານສາມາດນຳໃຊ້ຄຳແນະນຳ ເຫຼົ່ານັ້ນເພື່ອສ້າງສາຍພົວພັນການເຮັດວຽກທີ່ເປັນມືອາຊີບກັບລູກຄ້າຂອງທ່ານ. ຂໍ້ມູນໃດຄວນປ່ອຍອອກໄປ ເພື່ອສ້າງສາຍສຳພັນແບບອົບອຸ່ນ ແລະ ເປັນມືອາຊີບ?
ພະຍາຍາມພົວພັນໃນໂມງເຮັດວຽກ. ເພື່ອບໍ່ໃຫ້ລູກຄ້າຄິດວ່າ ທ່ານເຮັດວຽກທັງເສົາທິດເພື່ອເຂົາເຈົ້າສະເໜີ ເພາະອາດມີບາງວັນທີ່ທ່ານບໍ່ສາມາດຕອບຂໍ້ຄວາມທາງອີເມວໄດ້ໃນວັນພັກການ. ສະນັ້ນ ການພົວພັນນອກໂມງການເປັນປະຈຳ ເພື່ອສະໜອງຂໍ້ມູນໃຫ້ ອາດເປັນທີ່ຄອງຄອຍໃນເສົາທິດຕໍ່ໄປ. ຫາກທ່ານເຮັດບໍ່ໄດ້ ລູກຄ້າອາດຄິດວ່າ ທ່ານບໍ່ໃສ່ໃຈ. ສະນັ້ນ, ທ່ານຄວນຕັ້ງເວລາ ແລະ ແຈ້ງການບໍລິການທີ່ແນ່ນອນ. ສຳຄັນກວ່ານັ້ນ, ບໍ່ຄວນໃຫ້ການບໍລິການນອກເໜືອຈາກໂມງທີ່ແຈ້ງໄວ້ ຍົກເວັ້ນກໍລະນີຈຳເປັນ. ຫາກທ່ານໃຫ້ຄວາມຊ່ວຍເຫຼືອໃນວັນພັກ ເມື່ອໃດເຂົາເຈົ້າເອີ້ນຫາທ່ານບໍ່ໄດ້ ທັນທີທັນໃດ, ພວກເຂົາຈະເວົ້າວ່າ, “ ຂ້ອຍບໍ່ໄດ້ຮັບຂ່າວຄາວຄືເຄີຍເປັນໃນທ້າຍອາທິດນີ້. ເກີດຫຍັງຂຶ້ນ? ຂ້ອຍຄິດວ່າເຈົ້າໄດ້ເຮັດວຽກໃນທ້າຍອາທິດບໍ?” ສິ່ງທີ່ຄວນເຮັດກໍ່ຄື ຮັກສາວັນພັກ ແລະຫຼັງໂມງການສຳລັບຕົວເອງ. ສິ່ງໜຶ່ງຈະຊ່ວຍໄດ້ ກໍ່ຄືການຈັດລະບົບໃຫ້ເປັນໂອໂຕ ເພື່ອໃຫ້ສາມາດຕອບລູກຄ້າໄດ້.
ທ່ານບໍ່ຄວນແບ່ງປັນຂໍ້ມູນສ່ວນຕົວຫຼາຍເກີນໄປ. ນິດໃສຄົນລາວມັກຖາມເລື່ອງສ່ວນຕົວ ແຕ່ໃຫ້ໄປຫຼາຍມັນອາດ ບໍ່ມີຄວາມປອດໄພ. ມັນເປັນເລື່ອງ ທຳມະດາທີ່ຈະມີການສົນທະນາກ່ຽວກັບແຜນການທ້າຍອາທິດຫລືເຫດການປັດຈຸບັນກັບລູກຄ້າຂອງທ່ານ, ແຕ່ໃຫ້ຮັກສາຊີວິດສ່ວນຕົວ ແລະ ຊີວິດທຸລະກິດຂອງທ່ານເປັນສ່ວຕົວ. ຂ້າພະເຈົ້າແນ່ໃຈວ່າລູກຄ້າຂອງທ່ານດີເລີດ ແລະ ຈະເປັນເພື່ອນທີ່ດີ, ແຕ່ຢ່າລໍ້າເສັ້ນການເຮັດທຸລະກິດ ມາເປັນໝູ່ຊີວິດ. ເພາະໃນຫຼາຍໆກໍລະນີ ຂໍ້ມູນທີ່ປ່ອຍໄປ ອາດເປັນການເປີດເຜີຍຄວາມລັບທາງທຸລະກິດ. ເຊັ່ນ: ຫາກທ່ານບອກວ່າ ໄປງານສັງສັນມາ ຈິ່ງເຮັດໃຫ້ມາຈັດສົ່ງບໍ່ທັນ, ລູກຄ້າອາດຄິດວ່າທ່ານບໍ່ໃສ່ໃຈ ໃນການບໍລິການ.
ເກັບຂໍ້ມູນລູກຄ້າຄົນອື່ນໃຫ້ເປັນຄວາມລັບ. ທ່ານບໍ່ຄວນເອົາຂໍ້ມູນລູກຄ້າຄົນອື່ນມາເປີດເຜີຍ. ບໍ່ວ່າຈະດີຫຼືບໍ່ກໍ່ຕາມ. ເພາະທ່ານອາດເຊື່ອມຄວາມໄວ້ວາງໃຈໄດ້. ມັນເປັນການດີທີ່ຈະເປັນທີ່ຮູ້ຈັກຂອງລູກຄ້າ ແຕ່ທ່ານບໍ່ຄວນບອກລູກຄ້າຄົນອື່ນ ກ່ຽວກັບລູກຄ້າຄົນອື່ນໆທີ່ທ່ານມີ. ຄວນຮັກສາຄວາມເປັນກາງ ແລະ ເຊື່ອມໂຍງແບບມິດຕະພາບທາງດ້ານການຄ້າເຂົ້າຫາກັນ ແລະ ພະຍາຍາມສະໜອງຄວາມຕ້ອງການໃຫ້ໄດ້ທຸກໆກຸ່ມ ຕາມຂໍ້ມູນທີ່ມີ ແທນການເອົາມາເປີດໂປງ. ສິ່ງທີ່ຕ້ອງໄດ້ເຮັດແມ່ນການຮູ້ຂໍ້ມູນລູກຄ້າ ແລະ ສະໜອງຄວາມຕ້ອງການທີ່ເປັນເອກະລັກ. ຮູບການນີ້ ຈະເຮັດໃຫ້ທ່ານສາມາດຮັກສາສາຍພົວພັນກັບລູກຄ້າໄດ້ດີ.
ທ່ານມີຄຳແນະນຳໃດຕື່ມອີກບໍ່ໃນຫົວຂໍ້ນີ້ ຫຼື ມີປະສົບການທີ່ແຕກຕ່າງຈາກນີ້, ຊ່ວຍແບ່ງປັນປະສົບການນັ້ນໃນທີ່ນີ້ດ້ວຍ ເພື່ອເປັນການໃຫ້ຄົນອື່ນໄດ້ຮຽນຮູ້ນຳກັນ.
