ເມື່ອທ່ານໄດ້ອ່ານຫົວຂໍ້ນີ້, ບໍ່ໝາຍວ່າຈະສຳເລັດທຸກໆຢ່າງທີ່ເຮັດ. ຕົວຈິງ, ການລົ້ມເຫຼວ ມັນບໍ່ໄດ້ໜ້າຢ້ານຄືທີ່ຄິດ ເມື່ອໃດເຮົາພະຍາຍາມແກ້ໄຂ. ໃນວົງການກິລາ, ກະມັກມີຄົນໄດ້ແຊ໊ມ ແລະ ມີຊື່ສຽງຕັ້ງແຕ່ນ້ອຍໆ. ມັນກໍ່ມີເປີ ເຊັນນ້ອຍຫຼາຍ.
ຄວາມຢາກໄດ້ໝາກຜົນຈາກການເຮັດທຸລະກິດເປັນເຄື່ອງໝາຍບອກວ່າທ່ານຈະສຳເລັດຜົນ. ເພາະຄວາມຢາກໄດ້, ມັນຈະເຮັດໃຫ້ທ່ານສາມາດຜ່ານຜ່າຄວາມບໍ່ແນ່ນອນທາງທຸລະກິດ, ຄວາມບໍ່ໜັ້ນຄົງ ແລະ ສິ່ງທ້າທາຍຕ່າງໆທີ່ເກີດຂື້ນ ອັນປຽບສະເໜືອນ ການສິດສອນ ການເປັນຜູ້ສຳເລັດໃນອານາຄົດ. ທ່ານຕ້ອງພ້ອມສະເໜີທີ່ຈະຮັບມືກັບສິ່ງບໍ່ຄາດຝັນ.
ເຮົາອາດໄດ້ສິ່ງທີ່ຫວັງໃນເວລາທີ່ບໍ່ຄາດຝັນ
ການກຽມພ້ອມ ສຳລັບບາງຄົນ, ໝາຍເຖິງ ການຂຽນແຜນທຸລະກິດ; ສຳລັບຄົນອື່ນ, ມັນໝາຍ ຄວາມວ່າການສ້າງແຜນ ສຳຮອງ ເພື່ອຮັບຮອງສະຖານະການປ່ຽນແປງ ແລະ ຄົ້ນຄິດກ່ຽວກັບທຸກຢ່າງທີ່ ສຳຄັນທີ່ທ່ານເຮັດໄດ້ໃນຊີວິດຂອງທ່ານ. ຂ້າພະເຈົ້າເດົາວ່າທ່ານມີແຜນບາງຢ່າງກ່ຽວກັບວິທີທີ່ທ່ານຈະເດີນໄປ ຈາກຈຸດໜຶ່ງຫາຈຸດໜຶ່ງ.
ການວາງແຜນ ແລະ ການກະກຽມແມ່ນພາກສ່ວນທີ່ ສຳຄັນ. ດັ່ງກ່າວຂອງທຸກໆເປົ້າໝາຍ; ຖ້າບໍ່ມີຕົວຊີ້ວັດທີ່ແນ່ນອນ, ທ່ານອາດບໍ່ແນ່ໃຈວ່າ ຈະເຮັດຫຍັງຕໍ່ໄປ. ສ່ວນໜຶ່ງຂອງການກະກຽມທີ່ປະສົບຜົນສຳເລັດແມ່ນເຮັດທຸກຢ່າງທີ່ທ່ານສາມາດເຮັດໄດ້ ແຕ່ກໍ່ຄວນຮັບຊາບໄວ້ລ່ວງໜ້າວ່າ ສິ່ງຕ່າງໆຈະບໍ່ສຳເລັດຕາມທີ່ທ່ານຫວັງ ສະເໜີໄປ.
ທ່ານຕ້ອງພ້ອມທີ່ຈະເປັນຄົນປັບຕົວໄດ້. ຂ້ອຍບໍ່ເຄີຍພົບກັບຜູ້ປະກອບການປະສົບຜົນສຳເລັດ ຕາມທີ່ພວກເຂົາຈິນຕະນາການມັນໃນເບື້ອງຕົ້ນ. ບາງຄົນອາດຈະສິ້ນສຸດລົງໃກ້ກັບເປົ້າໝາຍ ທີ່ວາງແຜນຕອນຕົ້ນ, ແຕ່ມັນບໍ່ໜ້າຈະເປັນໄປໄດ້ຕາມທຸກຢ່າງໆທີ່ທ່ານຄາດຫວັງ ແລະ ອາດຈະເກີດຂື້ນກໍ່ຈະເກີດຂື້ນໃນເວລາທີ່ຊ້າກ່ອນແຜນ ແລະ ອາດແມ່ນໃນວິທີການໃໝ່ໆທີ່ບໍ່ເຄີຍນຶກຄິດ. ສ່ວນທີ່ສຳຄັນຂອງການປະສົບຜົນສຳເລັດແມ່ນການສາມາດຍອມຮັບການປ່ຽນແປງ ແລະ ນຳໃຊ້ມັນເພື່ອເຮັດໃຫ້ມີຄວາມກ້າວໜ້າ. ການເປີດໃຈ ແລະ ການຄິດໃນແງ່ບວກບວກກັບ ຄວາມບໍ່ແນ່ນອນ ແມ່ນມີຄຸນຄ່າໃນເວລາດຳເນີນງານເພື່ອໃຫ້ໄດ້ຕາມເປົ້າໝາຍໃຫຍ່.
ການກຽມພ້ອມ ແລະ ປ່ຽນແປງແມ່ນມີຄວາມສຳຄັນຕໍ່ຜົນສຳເລັດ, ແຕ່ຖ້າບໍ່ມີຄວາມອົດທົນ – ຄວາມເປັນໄປໄດ້ຂອງທ່ານທີ່ຈະພົບຄວາມສຳເລັດອາດຈະເປັນຜົນກະທົບ. ດັ່ງທີ່ຜູ້ປະກອບການສ່ວນໃຫຍ່ຮູ້, ການເປັນເຈົ້າຂອງທຸລະກິດແມ່ນເປັນສິ່ງທີ່ຄຶກຄັກ. ເຖິງແມ່ນວ່າທ່ານຈະໄດ້ສຳຜັດກັບເວດມົນ ແລະ ປະສົບຜົນສຳເລັດໃນເວລາ ດຳເນີນທຸລະກິດເບື້ອງຕົ້ນກໍ່ຕາມ, ທ່ານຍັງມີແນວໂນ້ມທີ່ຈະພົບກັບບັນຫາ ໃນພາຍຫຼັງໃນຊ່ວງການເດີນທາງ. ບາງເຫດການອາດຈະເຮັດໃຫ້ທ່ານກັບຄືນໄປບ່ອນເກົ່າ, ຫຼື ທ່ານມີຄໍາຖາມວ່າທ່ານກໍາລັງເຮັດຫຍັງ ແລະເປັນຫຍັງທ່ານກໍາລັງເຮັດສິ່ງນັ້ນ? ແຕ່ນີ້ແມ່ນສິ່ງທີ່ດີ. ຄວາມບໍ່ແນ່ນອນໃນລະດັບປານກາງສາມາດເຮັດໃຫ້ການແກ້ໄຂບັນຫາຂອງທ່ານເຂັ້ມແຂງ, ມີຄວາມມຸ້ງໜັ້ນທີ່ຊັດເຈນ ແລະ ເຮັດໃຫ້ທ່ານມີຄວາມກະຕືລືລົ້ນກັບຄວາມສຳເລັດ.
ຄວາມອົດທົນ ແລະ ຄວາມປາດຖະໜາ ເປັນສິ່ງທີ່ຈະພັກດັນໃຫ້ສຳເລັດ, ບໍ່ວ່າມັນຈະຫຍຸ້ງຍາກເທົ່າໃດ. ທ່ານລອງມະໂນພາບ ເມື່ອທ່ານຖືກເພີ່ມເຂົ້າໃນບັນຊີລາຍຊື່ຂອງບຸກຄົນສຳເລັດທາງທຸລະກິດ, ມັນຈະເປັນສຸກຫຼາຍປານໃດ? ເພາະແນວນັ້ນ, ຫຼາຍຄົນຍາກປານໃດກໍ່ທົນສູ້ ກັບສິ່ງທີ່ເຂົາເຈົ້າເລີ່ມເຮັດມາ.
ທ່ານມີຄຳແນະນຳໃດຕື່ມອີກບໍ່ໃນຫົວຂໍ້ນີ້ ຫຼື ມີປະສົບການທີ່ແຕກຕ່າງຈາກນີ້, ຊ່ວຍແບ່ງປັນປະສົບການນັ້ນໃນທີ່ນີ້ດ້ວຍ ເພື່ອເປັນການໃຫ້ຄົນອື່ນໄດ້ຮຽນຮູ້ນຳກັນ.
